Grýla yngir upp

Grýla og Óskar eru afar ástfanginn og mikill hjónasvipur með þeim

Móðir jólasveinanna, Grýla Pálsdóttir, tók sér á dögunum nýjan elskhuga. Hefur hún með því sagt skilið við sambýlismann sinn til margra ára, Leppalúða Bergsveinsson Cortez.

"Hann var bara of fríkí fyrir mig," sagði Grýla aðspurð um makaskiptin. "Ég er voða beisikk gella sko og meika ekki einhverja svona klikkhausa."

Hluta ástæðunnar segir Grýla einnig vera þá að Leppalúði hafi verið kominn til ára sinna og verið hættur að gagnast henni. "Ég meina, hafið þið séð einhverja nýja jólasveina nýlega? Ég hef bara mínar þarfir sko."

Hinn nýji elskhugi Grýlu heitir Óskar og er löggiltur fasteignasali. "Hann þénar rosalega vel, öfugt við hinn þarna sem átti bara ekki bót fyrir rassgatið á sér."

Í yfirlýsingu frá Leppalúða segir að hann hyggist krefjast forræðis yfir jólasveinunum, a.m.k. þeim sem viðurkenndir eru.